Taşobası MMC Sabirabad Sənaye Məhəlləsində yerləşən modern pambıq emalı zavodudur. 2023-cü ildə tikilərək qeydiyyata alınmışdır. Zavodda Türkiyə, Almaniya və İtaliya texnologiyalarından istifadə olunaraq, ildə 8 min ton mahlıc və 10 min ton texniki çiyid istehsal olunur. Məhsullar həm daxili bazarın tələbatını ödəyir, həm də ixraca göndərilir.

Layihə dəyəri 3,3 milyon manatdır və zavodda Neftçala, Salyan, Sabirabad və Saatlı rayonlarının pambığı xammal kimi istifadə olunur. Bu sənaye sahəsi 80 iş yerini təmin edir, eyni zamanda 300 nəfərlik mövsümi işçi qüvvəsi üçün imkan yaradır.

Taşobası MMC pambıq sənayesinin inkişafına və regionun sosial-iqtisadi həyatına böyük töhfə verir. ABŞ, Almaniya və İtaliya texnologiyalarının tətbiqi sayəsində məhsullar yüksək keyfiyyətlə hazırlanır və bazarda rəqabətqabiliyyətlidir. Məqsədimiz pambıq istehsalını artırmaq, ixracı genişləndirmək və yerli bazara keyfiyyətli məhsullar təqdim etməkdir.

Saytımızda Taşobası MMC-nin istehsal gücü, texnoloji prosesləri, ixrac imkanları və sosial məsuliyyəti haqqında daha ətraflı məlumat əldə edə bilərsiniz. Azərbaycanın pambıq sektorunda liderliyə doğru irəliləyirik və davamlı inkişaf üçün çalışırıq.

Azərbaycan Respublikasının Prezidenti İlham Əliyev 2023-cü ilin oktyabrında "Taşobası" MMC-nin fəaliyyətini yerindəcə qiymətləndirib.